LA UNION – Pakabuklan nga 40 a benepisaryo idiay ili iti San Gabriel, La Union ti impaayan iti Department of Trade and Industry Region 1 iti Negosyo Starter Kits.
Paset pay laeng daytoy ti Negosyo Serbisyo sa Barangay (NSB) ken Pagbangon at Ginhawa (PBG) a programa iti nasao nga ahensiya iti sidong iti livelihood seeding program (LSP).
Indauluan daytoy da DTI La Union Provincial Director Merlie Membrere kenni DTI Region 1 Director Grace Baluyan.
Tunggal benepisaryo ket immawat ti 10,000 pesos a balor iti negosyo starter kit kas iti sari sari store, bigasan rice retail, canteen equipment para iti pannakaiproseso iti makan ken livestock packages.
Ti nasao a programa ti DTI ket tarigagay daytoy a tulungan ken ipaayan iti suporta dagiti kwalipikado nga indibidwal ken micro-enterprises a naapektaran iti Covid 19 kangrunaan iti pagsapulan dagitoy.
Ti profiling ken interview kadagiti kwalipikado a benepisaryo ket naisayangkat a naimbag tapno masiguro a saan da pay a nakaawat dagitoy iti amelioration programs iti gobyerno a kas iti DSWD.
Maipalagip nga idi naminsan nga aldaw ket 20 manen a benepisaryo idiay ili iti Bauang ti nakaawat iti Negosyo Starter Kits ken iti dadduma pay a kabangibang nga ili.
