BR LA UNION – Agtaltalinaed a nakapenpen idiay Senado ti agingga 40 a singasing linteg a kabilang iti priority bills ti administrasyon Marcos ken ti 20th Congress.
Segun kenni Sen. President Sherwin Gatchalian, dagiti nasao a gakat ket kabilang iti 53 Legislative-Executive Development Advisory Council (LEDAC) bills wenno gakat a prayoridad ti ehekutibo ken ti lehislatura.
Kinuna na a sumagmamano kadagitoy ket kabilang kadagiti saan pay a natalantan idi maudi a paset ti umuna a regular session iti 20th Congress gaputi sumagmamano a kontrobersiya a sangsangwen ti nangato a pagpandayan linteg.
Kaadwan kadagitoy ket adda pakainaiganna iti sektor ti enerhiya, ekonomiya, ken edukasyon.
Siniguro met ni Gatchalian a saan a maipa-igid dagiti nasao a legislative measure nga uray agtugaw ti Senado kas maysa nga impeachment court.
Segun kenni Gatchalian, nu kasapolan nga agpaayab ti all senator caucus tapno talantanen dagiti nasao a gakat, ket aramidenna.
Plano pay ni Gatchalian nga ag-imbitar iti subject-matter expert ken resource persons tapno agsarita seknan kadagiti gakat, tapno nalak-laka a maawatan dagiti senador ti kinapateg dagitoy.
