Pimmusay dagiti 40 nga indibidual ken 115 dagiti nadangran iti uram a timpuar iti maysa a bar ti ski resort, kabayatan iti panagrambak ti New Year’s Eve idiay Crans-Montana.
Segun kadagiti pulis, nagrugi iti uram ti ala-1:30 kabayatan iti panagselebrar dagiti tattao iti bar a naawagan ti Le Constellation a masarakan iti southwestern Switzerland ken nalatak kadagiti agtutubo.
Inladawan met ni Swiss President Guy Parmelin iti insidente kas maysa kadagiti nakaam-ames a trahedia iti pagilian gapu ta kaadduan kadagiti natay ket agtutubo.
Immuna a naireport iti uram kas panagbettak, ngem kenuna dagiti otorodidad a maysa daytoy nga aksidente ken saan a panagatakar.
Innayon da pay nga agbayag ti mano nga aldaw iti panangbigbig kadagiti biktima ket ti eksakto a death toll gapu iti kinaado dagiti bagi a nauram.
Mangar-aramat dagiti eksperto iti agdama dagiti dental ken DNA records tapno gandaten a bigbigen dagiti pimmusay.###
