LA UNION – Aganay 40 nga indibiduwal iti kinemmeg dagiti otoridad idiay Bacnotan, La Union iti las-ud ti 10 nga aldaw a panangisayangkat da ti anti-illegal gambling operations.
Iti pannakiuman ti Bombo Radyo La Union kenni Police Major Reginaldo Dalipias, officer-in-charge ti Bacnotan Police Station, kadawyan a maak-aktuan da a sugal ket tong it, pusoy dos, ken bingo.
Ngem kas konsiderasyon kunana iti sangsangwen ita a COVID 19 pandemic, dagiti first timer a matiliw ket mapatawan da laeng ti violation iti Municipal Ordinance, ngem nu maulit ti pannaka-arestar gaputi met laeng ti panagsugal, ket nadagdagsen ti kaso a maidatag kadakuada, iti PD 1602.
