LA UNION – Nasugatan iti 41 a tattao kalpasan ti insayangkat nga airstrikes ti Russia idiay Kharkiv region idiay Ukraine.
Kabilang kadagiti nasugatan iti lima nga ubbing ken dagus a naiturong dagitoy iti ospital .
Nadadael ti adu a pasdek a kas iti palengke, sports complex ken sumagmamano a babbalay.
Dagus met a kinondinar ni President Volodymyr Zelensky iti insidente ken inawaganna a maysa a klase ti terorismo iti inaramid ti Russia agsipudta nairaman ti adu a sibilyan.
Agtultuloy iti isay-sayangkat panag-rescue dagiti otoridad agsipudta mapapati nga adda pay dagiti nagaburan kadagiti narsuod a pasdek.
