LA UNION – Dumanonen iti 415 a centenarians iti entero a Region 1 ti nakaawat iti sag-P100,000 a cash incentive babaen ti Department of Social Welfare and Development (DSWD).
Segun ken ni DSWD regional information officer Iryn Cubangbang, dumanon iti pakabuklan a 596 dagiti nataengan nga agtawen iti 100 agpangato iti rehion, sumagmamano kadakuada ket pimmusayen.
Nupay kasta, makaawat latta ti pamiliada iti nasao nga insentibo la ketdi ta adda ti maiparangda a valid identification card iti sidong ti Republic Act 10868 o ang “Centenarians Act of 2016.”
Iti agdama ket maiprosproseson ti dokumento dagiti nabatbati a 181 a lolo ken lola tapno makaawat met iti tulong manipud iti gobierno.
