Nagpalagip ita ti Police Regional Office (PRO)-1 iti amin a makinkukua ti paltog a saan pay nga nakaala ti baro a lisensya nga ag-avail ti provisional LTOPF.
Daytoy ket kalpasan nga maamuan a dumanonen iti nasurok 44,000 dagiti loose firearms iti sibubukel a Ilocos region.
Segun kenni PS/Supt. Mariano Rodriguez ng Regional Civil Security Unit-1, manipud iti 60,000 gun-owners iti uppat nga probinsya iti rehiyon ket 22% laeng ti naka-renew ti permit na.
Maikkan kuna na ti gundway dagiti makinkukua iti paltog nga i-renew ti permits dagitoy inton September agingga November.
Kinuna pay ni Rodriguez, siam a bulan ti validity ti naipaay a provisional LTOPF.
Mabalin met a temporaryo nga i-deposito dagiti paltog iti kaasetgan a kuerpo ti pulisya no awan ti gastosenda iti renewal kadagitoy.
Nagbalaag met ti opisyal kadagiti gun owners a saan nga agtungpal iti panawagan ti pulisya a mabalin a mangipaulog ti search warrant ti korte kontra kadagitoy tapno kumpiskaren ti nakaidulinda nga paltog ken posible pay a maidatagan ti kaso.
