LA UNION – Pakabuklan nga 45 nga NPA members ken supporters iti simmuko iti militar idiay probinsiya ti Aurora ken Nueva Ecija idi Abril 24.
Kabilang ditoy iti maysa nga alias “Enrico”, 60-anyos, sigud a Milisyang Bayan member, ken simmuko kadagiti otoridad idiay Barangay Calaocan, Dipaculao, Aurora idi April 24, 2021.
Karaman nga insuko na iti ikot daytoy a bandoleer a nagkarga ti tallo a magazines iti M16; dua a magazines iti M14; ken 13 a rounds ti ammunition.
Simmuko met da alias “Rona” ken “Isaac”, agpada a miyembro ti Liga ng Mangagawang Bukid (LMB), iti 91st Infantry (SINAGTALA) Battalion kadwa da iti dadduma pay a unit ti Phil. Army.
Babaen met iti tulong ti 91IB ken PNP, uppat a miyembro ti Advocates of Human Rights iti nangi-withdraw ti suporta da iti NPA idiay Aurora idi Abril 24.
Saan metten a dinakamat ni Lieutenant Col. Reandrew P. Rubio, commanding officer ti 91IB, iti identity dagiti 4 nga AHRAP members gaputi security reasons .
Kabayatanna, 38 a miyembro ti Liga ng Manggagawang Bukid (LMB)-Cuyapo, nga idaulwan ti managan Mr. Francisco C. Baesa Jr. alias “Ka Badjao”, iti nangibabawi ti suporta da iti NPA, kabayatan iti naisayangkat a seremonya idiay Brgy. San Antonio, Cuyapo, Nueva Ecija idi met laeng April 24, 2021.
Mainaig ti daytoy ket inapreciar ti militar iti panang-tallikod dagiti nasao nga indibiduwal iti Communist Terrorist Group ken iti desisyon a mangabarwanan para iti naurnos ken naragsak a panagbiag iti sidong ti gobyerno.
Agtalek ti militar nga iti panagsuko ken withdrawal of support dagiti nasao nga 45 nga indibiduwal ket agserbi nga inspirasyon kadagiti dadduma pay ken nabatbati a miyembro ti kumakattigid a grupo, tapno agsubli da metten iti sidong ti gobyerno.
