LA UNION – Nangisayangkat ti uppat nga aldaw nga inspection ti Land Transportation Office wenno LTO Region One, kadagiti lima a bus terminal/company a nakabase ditoy syudad ti San Fernando.
Iti eksklusibo a pannakiuman ti Bombo Radyo La Union kenni LTO Region 1 Deputy Alexander Abella, kinuna na a nangisayangkat da ti inspection kangrunaan na kadagiti driver ken conductors tapno masiguro nga in good condition dagitoy nga agbiyahe agraman iti ipas-pasada da a lugan, para iti kinatalged dagiti commuters.
Masansan nga aramiden daytoy ti LTO tunggal dopodop iti adu a bakasyunista ken pasahero kadagiti bus terminals, kangrunaan na nu madanon iti Piyesta ti Natay.
