LA UNION – Sumangsango iti kaso nga Illegal Gambling dagiti lima a dayo a suspek gaputi panangidaulo da iti on-line betting a livestream cockfighting, iti mismo a pallutan idiay Barangay Sta Rita West, Aringay, La Union.
Dagiti natiliw a suspek ket nabigbig nga isuda: Eduardo Vallao, 33, addaan asawa;Henderson Gregorio, 29, baro, agpada a residente ti Project 8, Quezon City; Jennedy Bautista, 31, baro, ti Tomas Morato, QC; John Erroll Silva Romera, 27, baro, ti Uyo, Novaliches, QC; ken Paul Mariano.
Nangisayangkat dagiti otoridad ti Anti-Illegal Gambling operation a nagresulta iti pannaka-arestar dagiti nadakamat a suspek kalpasan a naaktuan dagitoy a mangisay-sayangkat ti online cockfight iti nadakamat a pallutan.
Kinumpiskar pay dagiti otoridad dagiti nausar nga equipment a kas iti dua (2) a computer unit; tallo (3) flat screen monitor; dua (2) a camera with tri-pad stand; dua (2) video cable; tallo (3) audio cable; tallo (3) extension wires; tallo (3) headphones; dua (2) communication box; maysa (1) a communication base; maysa (1) table microphone; dua (2) mouse; dua (2) keyboard; uppat (4) HDMI cable; BGA cable; dua (2) UPS; audio mixer; folded table ken maysa nga LTE WiFi.
Dagiti suspek ket naipasidong iti custodiya dagiti otoridad.
