LA UNION – Inarestar dagiti otoridad iti 5 a lallaki idiay Brgy. Ortiz, Naguilian, La Union idi malem kalman kalpasan a naaktuan dagitoy nga ag-iinom ti arak iti publiko a lugar.
Malaksid a maipawil ti agi-inom ti nasanger iti publiko a lugar, maiyannurot iti Municipal Ordinance Nr. 209, nalabsing pay iti maipatpatungpal a guidelines iti pananglaban ti COVID 19 pandemic, partikular iti social distancing ken panagsuot ti facemask.
Immuna ti daytoy, nakaawat ti impormasyon dagiti otoridad nga adda ti grupo dagiti lallaki nga agi-inom iti nasao a lugar.
Kabayatanna, iti pannakiuman ti Bombo Radyo La Union kenni PMaj Judy Calica, hepe ti Naguilian Police Station, kinuna na a maysa kadagiti natiliw iti nagawis iti pagtaengan na tapno selebraran iti panagkasangay daytoy.
Dagus a naiturong dagiti naarestar nga indibiduwal iti cuerpo ti pulisiya ket namulta da iti sag 1,000 pesos sakbay dagitoy a nawayawayaan.
