LA UNION – Adda iti lima a reklamo wenno report seknan iti premature campaigning ken vote buying iti naawat ti opisina ti Commission on Elections, seknan iti napalabas a Barangay ken Sanggunian Kabataan Elections iti intero a rehiyon uno.
Kinumpirma daytoy ni Atty. Reddy Ceralde Balarbar, Assistant Regional Director ti COMELEC Region 1 ken Acting City Election Officer ditoy City of San Fernando, seknan iti kalkalpas nga eleksiyon pambarangay idi lunes, Oktubre 30, 2023.
Nupay kasta, awan ti pormal a nangidatag ti reklamo kontra iti siasinuman a lokal a kandidato, isunga mabalin nga agserbi laeng daytoy a record ti nasao nga opisina.
Dagiti naawat da a reklamo ket pakaibilangan iti dua a report manipud Pangasinan, maysa iti ili a Naguilian, ken saggaysa met iti probinsiya ti Ilocos Sur ken Ilocos Norte.
