LA UNION – Arestado iti lima a tattao manipud iti tallo nga ili iti segundo distrito ti La Union gaputi kaso nga illegal gambling.
Maiyannurot iti warrant of arrest nga impaulog ni Judge Bernadette Balangitan Badecao-Abnasan, Presiding Judge iti MTC Santo Tomas, La Union tiniliw dagiti otoridad dagiti lima a tattao a naaktuan nga agsusugal iti naduma-duma a lugar.
Kabilang iti naarestar iti 33-anyos a balasang, residente ti Barangay Namboongan, Sto Tomas; 41-anyos a mister ti Barangay Sta Monica, Agoo; 64-anyos a lakay, 34-anyos a babai, ken 46-anyos a misis, agpapada a residente ti Barangay Tabtabungao, Rosario, La Union.
Dagiti lima ket agpapada a naidatagan ti kaso a panaglabsing iti PD 1602 wenno illegal gambling ken P10,000 iti nairekomenda a piyansa kasukat ti temporaryo a pannakawaya-waya dagitoy.
