LA UNION – Mangisayangkat ti Department of Labor and Employment (DOLE) Region 1 iti virtual jobs fair inton bulan ti Hunyo.
Iti nasao a programa ket agpaut ti lima nga aldaw, manipud Hunyo 8 agingga 12.
Maawagan daytoy kas Kalayaan Jobs Fair kas paset iti selebrasyon ti Independence Day inton Hunyo 12.
Kas ti ninamnama, agbalin a virtual iti panangisayangkat ti labor department iti nasao a jobs fair, agsipudta maipawil pay laeng ti face-to-face ken panagu-ummong, gapu pay laeng iti COVID-19 pandemic.
Iti agdama, makumikom ti DOLE Region 1, nga agdev-develop iti link nga usaren dagiti job seekers.
Kinuna ti DOLE a napintas daytoy nga oportunidad para kadagiti job seekers, tapno makabirok ti trabaho iti tengnga ti agraraira a pandemya.
