LA UNION – Nakailista iti 5 a kaso ti child abuse ken rape iti San Fernando City Police Station, iti first quarter ita laeng a tawen.
Daytoy ti kinumpirma iti Bombo Radyo La Union ni PLt Jhanice Dalaodao, iti Women and Children Protection Desk (WCPD) ti San Fernando City Police Station.
Ad-adu daytoy nu ikumpara iti walo a kaso a nailista ditoy syudad ti San Fernando iti sibubukel a tawen 2020.
Gaputi dayta, nangiyuswat ti WCPD iti KAISA program wenno Keeping Awareness of Information on Sexual Abuse para kadagiti babbai ti tunggal barangay ditoy syudad.
Naigiddan pay daytoy iti selebrasyon ti Women’s Month ita a bulan ti Marso.
