LA UNION – Naidatagen idiay piskalya ti kaso a panaglabsing iti anti-illegal gambling law kontra kadagiti innem a lallaki a tiniliw iti pulisya gapu iti panagtupada idiay Barangay Poro, syudad ti San Fernando, La Union.
Naammuan ti Bombo Radyo manipud iti San Fernando City Police Station, nagreklamo iti saanen a nainaganan nga indibidual iti pulisya gapu ti nasao nga iligal a pagsusugalan.
Iti panagresponde dagiti pulis, naaktuanda dagiti suspek nga agpapallot iti manok isu a tiliwda dagitoy.
Umabot iti P8,000 a kwarta a pagtaytaya dagiti mammallot iti narekobre dagiti pannakabagi ti linteg karaman dagiti dadduma pay a banag nga agpapaay kas ebidensya.
