LA UNION – Arestado dagiti lima a mangngalap a maipagarup a mangisaysayangkat ti illegal fishing idiay kabaybayan a paset ti Barangay Damortis, ili ti Rosario, La Union.
Nabigbig dagiti suspek nga isuda Jerald Garcia, 19 , single; John Paul Espino,19, single; Bert Pascua, 35, single; Eduardo Garcia, 50, married; ken Ramon Laranang Jr., 41, single, bin-ig nga agnanaed idiay Barangay Tubod, ili ti Sto Tomas, La Union.
Naammuan manipud idiay Rosario Police Station, agarup 60 kilo a naduma-duma a kita ti lames iti nakompiskar manipud kadagiti suspek, karaman dagiti naaramak nga iket ken fishing vessel dagitoy.
Kaddua ti pulisya iti nasao nga operasyon dagiti kameng ti Bantay Dagat tapno matiliw dagiti suspek iti nasao a lugar.
