LA UNION – Lima a menor de edad iti temporaryo a naipasidong iti custodiya ti San Fernando City Police Station gaputi pananglabsing dagitoy iti Provincial Ordinance No. 002-2008 wenno Curfew for Minors Policy.
Dagiti nasao a minors a pakaibilangan iti 3 a Grade 8 students, maysa a Grade 10, ken maysa nga out-of-school youth (OSY) ket nakita dagiti agpat-patrolya nga otoridad a magmagna pay laeng dagitoy iti kalsada a sakop ti Barangay 2, iti disoras ti rabii.
Iti sidong ti nasao nga ordinansa, dagiti ubbing ken agtutubo ket saanen a mapalubosan a makarwar iti pagtaengan da, mangrugi iti oras ti alas 10:00 ti rabii agingga alas 4:00 ti bigat, manipud Domingo agingga Huwebes; ken manipud alas 12 midnight agingga alas 4:00 ti bigat iti tunggal Biyernes ken Sabado.
Nupay kasta, dagiti nasita a minors ket nai-turnover met laeng iti nagannak da, kalpasan iti pammalakad kadakuada dagiti otoridad.
