BR LA UNION – Natayen idi masangpetan dagiti bumbero iti tallo a tattao iti maysa a residential building idiay Al Reggai, Kuwait kalpasan a nauram ti pagnanaedan da, segun iti Gulf state’s fire brigade ita nga aldaw ti Domingo.
Segun kenni Brigadier General Mohammed al-Gharib, tagapagsarita ti fire brigade, timpuar ti apoy iti dua a nga apartment iti nasao a lugar.
Tallo a bangkay ti nasarakan iti lugar ti insidente, bayat a dua ti natay iti ospital gaputi sinagrap da nga injuries.
Imbaga ni Gharib a posible a manayunan pay iti bilang dagiti natay gaputa kritikal ti kondisyon iti sumagmamano kadagiti 15 a nailista a nasugatan kalpasan a timpuak dagitoy manipud iti maur-uram a pasdek.
Agtultuloy iti isaysayangkat nga imbestigasyon dagiti otoridad tapno amwen ti nakaigapwan ti uram.
