LA UNION – Nasugatan iti lima a suldado ti US gaputi panangaraut ti military base dagitoy idiay Iraq.
Kinumpirma ti saan a nagpainagan nga US military official, puntirya ti rocket attack iti Al-Asad Airbase ken napasamak daytoy iti kangitingitan ti tensiyon idiay Middle East.
Idi napan a lawas, imbaga ti Iran nga agsungbat ti U.S. iti pannakapapatay ti Hamas leader a ni Ismail Haniyeh idiay Tehran, gapu iti ipapaayna a suporta iti Israel.
Immunan nga imballaag ti US a posible a kumaru pay ti tensiyon nu ipatungpal ti Iran ken dagiti kaalyado iti pangta da a bumales , gaputi nagsasaruno a pannakapapatay dagiti senior members ti militant group nga Hamas ken Hezbollah.
Maipalagip nga immandar ni US Defense Secretary Lloyd Austin iti kanayunan a military assets iti rehiyon a nagpatulod ti carrier strike group, fighter squadron ken kanayunan a warship idiay Middle East.
Idi napan a lawas, rinugyan manen dagiti Iraqi militias a rauten dagiti kampo ti US forces idiay Iraq ken Syria, kalpasan ti sumagmamano a bulan a panagsardeng dagitoy sipud rinaut da iti US base idiay Jordan idi Enero a nakatayan ti tallo a suldado nga Amerikano, banag a nangrugyan met ti serye ti retaliatory U.S. strikes.
