LA UNION – Umabot iti lima a Pinoy dagiti natay gaputi COVID 19 idiay Paris, France ken dagus a na-cremate ti bangkay dagitoy.
Daytoy ti imbatad iti Bombo Radyo La Union ni Joy Pimentel, maysa nga OFW iti nasao a pagilian ken tubo ti Barangay San Vicente, San Fernando City, La Union.
KInuna na a gaputi agtultuloy a panagngato ti kaso ti coronavirus iti nasao a pagilian, naminsan pay nga inlayon iti presidente ti pagilian, a ni Emmanuel Macron, iti maipatpatungpal a ockdown agingga Mayo 11.
Nagturpos koman ti lockdown idi April 10.
Iti sidong ti annuruten ti lockdown idiay pagilian a Pransiya, kinuna ni Pimentel a grocery ken pharmacy laeng iti nakalukat.
Sakbay kunana a makapagturong kadagitr nasao nga establisimento, kasapolan nga agpirma nga umuna iti maysa a dokumento agsipudta adda iti maituding nga oras a panagtalinaed iti ruar, kasapolan anakasuot ti face mask ken naka-gloves.
Iti siasinuman nga aglabsing iti daytoy ket adda maiyannatop a multa na ken mabalud pay.
First offense – €35 = P2,030
Second offense – €135 = P7,130
Third offense – €375 = P21,750
Iti agdama, iti pagilian a Pransiya ket addaan ti total a 165,207 COVID cases ken nanayunan pay ti 753 a baro a natay wenno pakabuklan itan a 17,920 dagiti natay.
