LA UNION – Nainget a binallaagan ti Department of Social Welfare and Development (DSWD) RO1 dagiti 4Ps benificiaries a saan nga agaramid ti maikaniwas a mangikkat kadakuada iti listaan dagiti maipapaayan ti cash grant.
Inaramid ni Pantawid Information Officer Jaecem Gaces iti waragawag kasaruno iti umad-adu a reklamo a maaw-awat ti opisina da maipapan kadagiti benipisyaryo a mangisalsalda iti 4Ps card dagitoy ken dagiti agsug-sugal.
Kinapudno na kunana idi laeng bulan ti Mayo, adda iti aganay 50 a kaso ti misbehave partikular iti card pawning ken gambling iti dimmanon iti DSWD regional office.
Impaganetget ni Gaces bayat iti pannakiuman ti Bombo Radyo La Union, a nasken a compliant dagiti 4Ps benificiaries iti allagaden ti cash grant ken isardeng iti nasao nga aramid nu kayat dagitoy nga agtalinaed a recipient iti nasao a programa ti gobyerno.
