LA UNION – Nasurok 50,000 a tourism workers iti intero nga Ilocos Region a naapektaran iti COVID-19 pandemic iti naipaayan ti cash assistance, babaen iti programa ti Dept. of Labor and Employment (DOLE) nga inawagan da iti Covid-19 Adjustment Measures Program wenno DOLE CAMP.
Iti DOLE CAMP ket nakapauneg iti Bayanihan 2 a nairanta para kadagiti tourism workers ditoy rehiyon.
Base iti datos ti DOLE Region 1, pakabuklan a 50,513 tourism workers manipud naduma-duma a tourism establishments ditoy rehiyon a naapektaran ti trabaho gaputi Covid-19 iti natulonganen ti nasao a programa.
Dagiti nasao a mangmangged ket manipud iti 2,583 a tourism establishments a pakairamanan dagiti restaurants, resorts ken tour guides.
Ngem iti agdama, saradon ti nasao a programa, nupay manarimaan ti isaysayangkat da nga evaluation kadagiti naudi nga aplikante iti DOLE CAMP tapno maipaayan da met iti tulong pinansiyal.
