LA UNION – Natay iti 51-anyos a rancher agraman iti 34 a tarakenna a baka kalpasan a tamaan dagitoy ti kimat idi Sabado, iti mismo a rancho na idiay Colorado, U.S.A.
Segun kenni coroner George Crocket, agpak-pakan iti biktima a ni Mike Morgan iti tarakenna a baka, idi kellaat a nagkimat ket timmama ti boltahe iti feed trailer.
Arigna a na-knock-out amin dagiti adda iti feed trailer, a pakairamanan ni Morgan ken dagiti 34 a tarakenna a baka.
Immuna daytoy, natay iti 21 a tattao iti las-ud ti Memorial Day weekend, gaputi bagyo ken tornadoes a timmama idiay central US.
Maibasar iti datus ti US Centers of Disease and Control, agpar-parang nga adda iti 444 lightning strike deaths idiay US, iti baetan ti tawen 2006 ken 2021, kaadwan a mat-matay ket kabayatan ti summer.
Kangrunaan a pakapas-pasamakan na idiay estado ti Florida, Texas, Colorado, North Carolina, Alabama, Arizona, Georgia, Missouri, New Jersey ken Pennsylvania.
Ngem iti Florida ti maibil-bilang a “lightning capital” idiay Estados Unidos, nga addaan ti nasurok 2,000 lightning-related injuries a napasamak iti napalanas a 50 a tawen.
