Nakaawat iti fertilizer discount voucher ti 1,514 a mannalon idiay Bacnotan, La Union manipud Department of Agriculture (DA).
Nagbalin a benepisiaryo iti program dagiti mannalon a nakaala iti inbred seeds ken hybrid seeds manipud iti Rice Competitiveness Enhancement Fund (Rice Fund) ti DA.
Pakabuklan a P4,037,527.6 ti gatad dagiti discount voucher a naipaay kadagiti mannalon ken manamnama nga adda ti maikadua a batch dagiti maipaayan a mannalon.
Nakadependar ti naakawatda a discount voucher iti bin-i a naalada kabayatan ti umuna a pannakaipaay ti subsidia ken iti land area ti taltalonda.
Nakipaset iti program ni Mayor Divine Fontanilla ken impanamnamana nga agtultuloy ti panangipangruna ti administrasionna iti pannakapadur-as ti sektor ti agrikultura ti Bacnotan.
