LA UNION – Umaboten iti 52 drug suspects ti naaresto iti La Union Police Provincial Office iti naduma-duma a lugar idiay probinsya ti La Union ita laeng a bulan ti Hulyo 2018.
Iti pannakiuman ti Bombo Radyo kenni S/Supt. Ricardo Layug Jr., provincial director iti LUPPO, kinunana a natiliw dagiti nasao a suspek babaen ti inganwatda a buy bust operation, police response, implementasyon iti warrant of arrest ken seach warrant.
Sigun kenni Layug, adu iti naaresto gapu ta lalo da pay nga inirutan iti kampanya kontra ti iligal a droga ken babaen metten iti aktibo a partisipasyon dagiti bumarangay kontra kadagiti drug suspek.
Kabayatanna, impanamnama met ti opisyal a mairespeto met iti karbengan dagiti natiliw a drug suspects iti uneg ti pagbaludan nga adda ti sidong iti pulisya.
