LA UNION – Nakaipasidong ita iti naduma duma a quarantine levels iti 6 a purok idiay Brgy. San Benito Sur, Aringay, La Union kalpasan a nailista iti dua a kaso iti Covid-19 idi Sept. 16
Maiyannurot daytoy iti naipaulog nga Executive Order No. 2020-58 babaen kenni Mayor Eric Sibuma a nagbalin nga epektibo alas sais ti sardam idi rabii.
Iti Purok 1, 2 ken iti dadduma a paset ti Purok 3 ket naipasidong iti MGCQ level.
Iti Purok 4 ken Purok 5 ket naipasidong iti GCQ level.
Bayat nga iti Purok 6 a maibilbilang ita a critical zone ket naipasidong iti ECQ LEVEL.
Iti met Central Business District ket maipasidong met iti MGCQ level.
Paset pay laeng daytoy iti containment quarantine zoning plan para iti intero a barangay san benito sur, nga agpatingga inton October 1, 2020.
Segun kenni Dr. Rolando Mallari, COVID-19 focal person idiay Aringay, La Union, adda iti nasurok 100 nga indibiduwal ti karaman iti contact tracing ngem immunan a naipasidong iti swab test dagiti 24 partikular dagiti close contacts ti pasyente iti pagtaengan ken compound dagitoy.
Iti agdama, nakapasidong dagitoy iti home quarantine.
