LA UNION – Innem a tattao iti nadun-dunor kalpasan a naidungpar ti nagluganan dagitoy a van iti maysa a puon ti kayo, bayat a dumaldalyasat iti kawatiwatan ti National Highway idiay Brgy. Calungbuyan, Balaoan, La Union agarop alas 7:30 idi rabii.
Binigbig ti Balaoan Police Station, iti nagmaneho ti van a ni Marchian Sagang, 30 anyos ken dagiti pasaheros na ket isuda:
Wilfredo Camma, 40 anyos
June Collera, 30 anyos
Jemory Cumot, 64 anyos
Delio Sison, 26 anyos
Ariel Cumot, 28 anyos agpapada a residente ti Kayapa, Bakun, Benguet.
Iti pannakiuman ti Bombo Radyo La Union kenni PMsg. Renato Nadlang, imbestigador ti Balaoan Police Station, tkinuna na nga agturong iti amianan a direksyon iti nasao a van, idi maipagarop a pinadas na nga oberteykan iti sar-sarunwen na a behikulo, ngem napukawan ti kontrol iti manibela ti driver ken nagderetso iti laud a paset ti kalsada kasaruno iti pannakaidungpar na iti puon ti kayo.
Naggapo ti van idiay La Trinidad, Benguet ken agawid da koman idiay Bakun, Benguet idi napasamak ti insidente.
Dagus a nagresponde dagiti otoridad iti lugar a nakapasamakan ti aksidente ket naiturong dagiti biktima iti Ilocos Training and Regional Medical Center (ITRMC).
