LA UNION – Kalpasan iti sumagmamano nga aldaw a zero-case iti COVID 19 iti probinsiya a La Union, idi kalman, Agosto 25 ket nakailista iti innem a baro a kaso.
Dagiti tallo a kaso ket naggapo idiay ili ti Agoo, ken saggaysa idiay ili ti Aringay, Tubao ken syudad ti San Fernando.
Nupay kasta, uppat met iti nailista a recovered covid 19 patients.
Pakaibilangan ditoy iti dua a pasyente manipud ditoy syudad ti San Fernando ken saggaysa idiay ili ti Burgos ken Tubao.
Iti agdama, adda pay laeng iti 26 nga active cases manipud iti pakabuklan 198 covid cases ditoy probinsiya.
