LA UNION – Umabot iti innem a computer units iti intaray dagiti mannibrong a nangserrek iti computer room ti San Benito Norte Elementary School idiay Barangay San Benito Norte, Aringay, La Union.
Malaksid kadagiti nasao a computer, karaman pay a tinakaw dagiti saan pay a nabigbig a suspek iti maysa a server ken maysa a CPU.
Ti nasao a pasamak ket nadiskubre iti maysa a teacher ti nasao a pagadalan ken isuna metten ti nangikamang kadagiti otoridad.
Daytoy ket iti kinatao ni Teacher Gloria Camacho, 35, addaan ti asawa, residente ti Barangay Las-ud Caba, La Union.
Maibasar iti police report, pinuted dagiti mannibrong iti window grills iti likodan ti computer room, nga isuti simrekan ken mapapati a rimwaran met laeng dagiti suspek.
