LA UNION – Kaso a panaglabsing iti Art II, Section 13 iti RA 9165 wenno Comprehensive Dangerous Drugs Act, iti posible a sangwen iti innem a lifeguard/surfers.
Dagitoy ket kalpasan a naaktuan dagiti otoridad nga agpa-pot session idiay Barangay Urbiztondo, San Juan, La Union idi kalman.
Dagiti suspek, nabigbig nga isuda: Jonel Villaruel, 23; Ernest Dumaguin, 23; Anthony Valdez, agpapada a lifeguard ti Barangay Urbiztondo, San Juan, La Union.
Kabilang pay a naarestar iti managan Melvar Curioso, 26, baro, surfer, residente ti Barangay Pulino, Bacoor, Cavite; Crisanto Villanueva, 23, residente ti Barangay Raois, Bacnotan; ken Jericho Teruel, 20-anyos ti Barangay Lingsat, San Fernando City, La Union.
Iti nasao pay laeng a anti-drug operation, kinumpiskar dagiti otoridad iti sumaganad: maysa a nakupin a P50 bill ken nakupin met a brown paper, agpada a maipagarop a naglaun ti marijuana, ken improvized glass tooter.
Dagiti nakumpiskar a droga ket mapatat-patta nga agdagsen ti 4 a gramo ken addaan ti DDB value a P400.
Dagiti suspek agraman dagiti nakumpiskar nga items ket naipasidong iti custodiya dagiti otoridad.
