Agtaltalinaed iti kustodiya ti San Fernando City Police Station ti innem a mangngalap kalpasan ti insayangkat a seaborn patrol ti PDRRMC, CDRRMC, Coast Guard ken dagiti otoridad.
Nakumpiskar kadakuada ti 35 a kilos ti maipagarop a nabungbongan a bulilit nga agbalor ti P3,500.
Iti salaysay ni alyas Vergelio, residente iti ili ti nga Agoo, kinuna na a mapanda kuma iti parte na ti Ilocos ngem gapu iti napigsa a tudo ken angin idi kalman ket naisar-ongda iti kabaybayan a sakop ti syudad kagiddan iti pannakatiliw dagitoy.
Impagpaganetget na a saanda a mangisaysayangkat ti illigal a panagkalap agsipudta ti agur-usar dagitoy ti nylon maisupadi iti akusasyon kadakuada.
Nupay saan na met nga inlibak a nabungbongan dagiti nakumpiskar kadakuada a lames no sadino dagitoy ket ar-aramtenda laeng nga appan.
Nupay kasta, disnudo da met nga agbayad ti multa ngem laeng kidkiddawenda a maipapaba daytoy.
