Pagdandanagan ti United Nations AIDS agency iti posibilidad a ngumato pay ti bilang dagiti natay nga indibidwal gaputi HIV ken AIDS.
Segun iti UN agency, maibasar iti patta-patta da a mabalin a dumanon agingga iti nasurok innem a milyon a tattao iti uneg ti sumaruno nga uppat an tawen.
Daytoy ket nu saan nga agbaliw iti desisyon ni US President Donald Trump ken agtalinaed ti posisyon na nga ikkaten amin a global funding para iti programa.
Kangrunaan nga apektado iti nasao a desisyon ni Trump iti pagbanagan dagiti treatment programs ti UN AIDS.
Maibasar iti datos, umabot iti milyon a dolyar iti on hold ita iti uneg ti 90 days maiyannurot iti direktiba ni US President Trump.
Iti nasao a bilang dagiti posible a matay gaputi AIDS ken HIV ket kaibatugan ti 400% a panagngato.
Immunan nga imbaga ti Trump administration nga ipaspasidong da iti nairut a pannaka-repaso iti amin a foreign-aid programs iti sidong ti “America First” policy nga ipatpatungpal ni Trump.
