LA UNION – Innem nga NPA rebels nga adda iti sidong ti Northern Front ken 76 nga active members ti Bahay Talakayan para sa Rekonstraksyon at Ikakauunlad ng Sambayanan (BATARIS) a nakabase idiay Barangay Cozo, Casiguran, Aurora ti simmuko idi Sabado iti militar ken pulisiya.
Kagiddan ti panagsuko dagiti nasao nga indibiduwal iti panagkari a tallikudan dan ti suporta da iti NPA ken isubli da ti talek ken suporta dagitoy iti gobyerno.
Dagiti simmuko a rebelde ket effort iti nagdinnanggay a puwersa ti 91st Infantry (Sinagtala) Battalion (91IB), 7ID, PA ; Aurora Police Provincial Office ken Casiguran Municipal Police.
Maiyannurot iti allagaden, dagitoy ket naipaayan ti tulong manipud gobyerno para iti pangabaruanan ti panagbiag.
Paset daytoy iti agtultuloy a tarigagay ti gobyerno a gibusan iti nabayagen a local communist armed conflict.
