Kabilang ti maysa a menor de edad iti innem a natiliw iti naisayangkat nga anti illegal gambling operation dagiti otoridad idiay Barangay Benteng-Sapilang, Rosario, La Union.
Kabilang kadagitoy ti 17 anyos nga barito a residente ti San Fabian idiay probinsya ti Pangasinan, 45 anyos a tricycle driver, 28 anyos a contruction worker, 31 anyos nga misis, 76 a mannalon, ken 58 anyos nga misis, agpapada dagitoy nga residente ti Barangay Benteng-Sapilang.
Nakumpiska manipud kadakuada ti dua nga set ti baraha ken bet money a P361.00 kabayatan nga agay-ay-ayam iti sugal a tong-its.
