LA UNION – Arestado ti innem nga indibidwal gapu iti sugal iti nagsina a lugar idiay segundo distrito iti Probinsiya iti La Union idi rabii.
Kinemmeg dagiti kameng iti Bauang Police Station dagiti lima nga indibidwal iti naipatungpal nga anti-illegal gambling operation idiay Brgy. Pagdalagan Sur, Bauang, La Union alas-11:00 idi rabii.
Naaktoan dagiti otoridad nga agayayayam dagitoy ti Lucky 9 kasaruno ti pannakakumpiskar ti 1 set iti baraha ken pusta nga agbalor ti P2,931.00 iti naduma duma a denominasyon.
Kinemmeg met dagiti kameng iti Sto. Tomas Police Station ti maysa nga ambulance rriver kalpasan ti naisayangkat nga anti-illegal gambling operation idiay Brgy. Namboongan, Sto. Tomas, La Union alas-7:30 idi rabii.
Naaktoan dagiti otoridad nga agayayayam dagitoy ti mahjong kasaruno ti panangkumpiskar da iti dua a set iti majong tiles, dua a pidaso iti dice, maysa a majong table ken pusta nga agbalor ti P950.00.
Mannarimaan met ita a maan-anup dagiti uppat pay a nakalibas a sugador.
