LA UNION – Naiyindurso iti cuerpo ti pulisiya ditoy syudad ti San Fernando dagiti 6 nga indibidwal, kalpasan iti insayangkat dagiti otoridad nga anti illegal gambling operations iti nagsina a lugar ditoy syudad ti San Fernando, La Union.
Ti umuna nga operasyon ket naiganwat iti Barangay Poro, a nakatiliwan iti dua a lallaki ken maysa a babai.
Nakumpiskar kadakuada iti maysa a set ti poker card ken bet money a P135.00
Iti maikadwa nga operasyon ket naisayangkat iti Barangay Catbangen.
Tallo met laeng a residente nga agpapada a babbai iti natiliw ken nakumpiskar kadakuada iti maysa a set ti mahjong ken bet money a P215.00
Dagiti innem nga indibidwal ket sumangsango ita iti kaso a panaglabsing iti P.D. 1602
