LA UNION – Umabot ti aganay 60 a kilos ti nabongbongan a lames wenno iti maaw-awagan a dalagang bukid iti kinumpiskar dagiti kameng ti Agoo Police Station idiay Barangay San Manuel Sur, Agoo, La Union.
Maibasar iti report, immuna a naka-awat ti report ti pulisiya maipapan iti maipagarop nga illegal fishing, isutgapuna a dagus da a nagturong iti nadakamat a lugar.
Kas resulta, nakakumpiskar da iti maipagarop a nabongbongan a lames a nakaikarga iti lima a plastic container babaen iti panangimatang ni Barangay Kapitan Carlito Boado.
Awan met ti naaresto a fish vendor kalpasan a timmaray dagitoy idi mapasungadan da dagiti otoridad.
Dagiti nakumpiskar a lames ket naipasidong iti Agoo Police Station para iti umno a disposisyon.
