LA UNION – Maipaspasidong ita iti ehersisyo dagiti 60 a nalulupmeg a pulis a kameng iti Police Regional Office-1 (PRO-1) a nakabase idiay San Fernando, La Union.
Nammuan ti Bombo Radyo manipud ti Information Office ti PRO-1, kasapulan a maipasidong iti innem bulan a programa a ‘mission slim posible’ wenno ti naduma-duma a kita iti ehersiyo dagiti nasao a pulis.
Tuttukan iti national headquarters ti pulisya ti nasao a programa tapno magun-od dagiti pulis ti nasayaat a salun-at ken umno a pammagi dagitoy. (Abs Flores)
