LA UNION – Napalalo iti ragsak ken panagyaman iti 64-anyos a lola kalpasan a naipulang kenkuana iti napukaw a brown paper bag a naglaun ti kuwarta nga umabot ti kinse mil pesos.
Idi kalman, personal a nagturong iti Bombo Radyo La Union ni Tessie G. Lorin, residente ditoy syudad ti San Fernando, tapno i-claim iti nasao a brown paper, a segun kenkuana ket napukaw daytoy ti apo na a ni Wilzan Lorin, 17-anyos.
Kagiddan daytoy iti panagyaman na kenni Jojo Urbanes, nga agpapaay kas Security Officer ti Mart 1 ditoy syudad, a nakapidot ken nangisubli ditoy istasyon ti Bombo Radyo La Union agsipudta talken na a maipulang iti akinkukua.
