LA UNION – Aganay 64 a tattao ti natay iti napasamak a flash floods idiay Valencia, Spain.
Nanggubway ti nalawa a panaglayos iti sumagmamano nga aldaw a napigsa a panagtudtudo idiay southern ken eastern Spain.
Adu a babbalay ti nadadael ken nailumlom iti layos ken pitak iti adu a lugan.
Dagus a nag-deploy ti nasurok 1,000 a suldado iti emergency response ti Spain tapbno isalbar dagiti residente.
Adu pay a residente ti saan a nakapanaw iti babbalay da kalpasan a naipit iti napigsa a panaglayos.
Nangipatungpal ti nasao a pagilian ti tallo nga aldaw a panagliday para kadagiti biktima ti nalawa a panaglayos.
