Madama nga agpapaagas iti Ilocos Training Regional & Medical Center ti maysa a mannalon kalpasan a madungpar daytoy ti Partas Bus iti kawatiwatan ti Barangay Ili Norte, San Juan, La Union.
Nabigbig ti biktima a ni Salvador Marzo, 69, addan asawa, ken residente ti Brgy. Amontoc ili ti San Gabriel.
Maibasar iti police report, nagballasiw ti biktima iti kalsada idi a madungpar daytoy ti bus a minaneho ti respondent driver a ni Crisanto Sison, 32, addan asawa, residente ti San Miguel Tublay, Abra.
Agtultuloy met ti imbestigasyon dagiti otoridad iti nasao nga insidente.
