BR LA UNION – Dinayyeg ti magnitude 7.6 a gingined iti Caribbean Sea idi rabii ti Sabado, oras idiay Amerika.
Iti kaadyu a 130 miles wenno 209 kilometro manipud iti kabaybayan ti Cayman Islands nasarakan ti sentro daytoy, a nagresulta ti panangipaulog ti ballaag iti posible a tsunami.
Segun iti Pacific Tsunami Warning Center, posible a makapadas iti nangangato a dalluyon gaputi tsunami dagiti lugar iti uneg ti 620 miles manipud iti epicenter ti gingined, kabilang idiay Cayman Islands, Jamaica, Cuba, Mexico, Honduras, Bahamas, Belize, Haiti, Costa Rica, Panama, Nicaragua, ken Guatemala.
Segun met iti US Geological Survey, iti gingined ket timmama iti ”shallow depth” iti kabaybayan.
Kabayatanna, imbaga ti U.S. National Tsunami Warning Center nga awan ti tsunami alert para iti mainland ti U.S., ngem nangiruar ti tsunami advisory para iti Puerto Rico ken U.S. Virgin Islands.
Agtultuloy a banbantayan dagiti otoridad ti sitwasyon ken nangipaay ti ballaag kadagiti residente nga apektado, nga agtalinaed nga alerto para iti posiblea pangta ti tsunami.
