LA UNION – Nasapa a nagsuspinde ti klase iti pito lugar ditoy probinsiya ti La Union kabilang ditoy San Fernando City.
Kalpasan iti napasaran manen a nalawa a panaglayos itay malem ditoy ditoy syudad, nagdesisyon iti lokal a gobyerno ti San Fernando a suspindiren ti klase iti amin a tukad (public at private schools) agraman serrek iti trabaho dagiti local gov’t. offices.
Malaksid ditoy San Fernando, nag-anunsiyo pay iti nasapa a suspensiyon ti klase iti amin a tukad (public at private schools) iti ili a Bauang, Bacnotan, Balaoan, Bangar ken Sudipen.
Idiay ili ti Agoo, manipud preschool agingga elementarya laeng (public and private schools) iti awan klase da inton bigat.
Kabayatanna, idiay ili ti Bangar, malaksid iti pannakasuspinde ti klase ket kinanselar pay ni Mayor Aleli Concepcion iti nakatuding koma a patronal fiesta celebration inton bigat idiay Balaoan Farmers Civic Center.
Iti inaramid a panangsuspinde ti klase dagiti nadakamat a lokal a gobyerno ket gapu iti agtultuloy a pannakapadas ti napigsa a tudo a gubway ti agraraira a habagat wenno southwest monsoon.
Daytoy ket para met laengen iti kinatalged ti amin kontra iti layos, landslide, ken dadduma pay nga aberya a posible a mapasaran dagiti estudyante ken mangmangged.
