LA UNION – Dead on arrival iti pagagasan ti maysa a siete-anyos nga ubing a babai kalpasan a nalmes iti karayan idiay Brgy. Alipang, Rosario, La Union.
Ti biktima ket nabigbig a ni Angel May Jaravata Carang, agindeg idiay Brgy. Subusob.
Maibasar iti imbestigasion dagiti otoridad, naggiinnawis da Carang ken dagiti gagayyemna nga agdigos iti karayan ngem kalpasan ti sumagmamano a kanito ket nadlawda a mapukpukaw daytoy.
Dagus met a nagpaarayat kadagiti pulis dagiti gagayyem ni Angel ket naglabas ti lima nga oras a search operation, nasarakan laengen a tumtumpaw ti bagi ti ubing.
Naitaray pay daytoy iti pagagasan ngem saanen a naispal pay dagiti doktor ti biagna. (PLAD)
