LA UNION – Pito a tattao iti natay bayat a nasurok 10 dagiti nadundunor iti napasamak nga uram, pasado alas 8:00 ti rabii idi Domingo, iti maysa a flat building idiay Hong Kong.
Daytoy iti impadamag ni Bombo International News Correspondent Emily Miranda kabayatan ti pannakiuman ti Bombo Radyo La Union kenkuana.
Kinuna na, a kaadwan kadagiti natay ket Napalese a pakaibilangan iti uppat a lallaki ken tallo a babbai.
Kaadwan kadagiti nadun-dunor ket kritikal ti kondisyon na.
Segun kenni Miranda, awan iti nairaman a Pilipino iti nasao nga insidente agsipudta kaadwan nga agnanaed iti nasao nga apartment building ket Nepalese.
Saan pay nga ammo nu kasatnu a timpuar ti nasao nga uram.
