Agpapada a nagsagaba ti pannakasugat ti pito nga indibidual kabilang ti uppat a menor de edad iti napasamak a karambola ti tallo nga lugan idiay national highway iti Barangay San Martin, Bacnotan, La Union.
Nabigbig dagiti biktima a da Richard Peralta, Floradel Peralta, Romel Calob, ken dagiti pasahero nga edad 9, 13, 1, maysa pay a 9 anyos.
Sakbay ti insidente, agturturong iti amianan a direksyon ti tricycle a minaneho ni Richard Peralta, 39, adaan asawa, residente ti Barangay Nagrebcan, iti ili a Luna, idi kellaat a madungpar isuna ti sumarsaruno a kotse nga minaneho ni Sonny Millares ti Barangay San Jose, iti ili a Sudipen, no sadino nagresulta met daytoy iti pannakadungpar iti tricycle ni Romel Calob, a manipud iti bangir a linya.
Iti agdama, agtaltalinaed pay laeng dagitoy iti Bacnotan District Hospital tapno maagasan.
Agtultuloy met ita ti imbestigasyon dagiti otoridad mainaeg iti nasao nga aksidente.
