LA UNION – Hustisya ita ti kiddaw iti pamilya iti maysa a 73 anyos a lola idiay ili a bauang la union kalpasan a masugatan daytoy gapu iti maipagarup a panangserrek ken panangbagsol kenkuana iti saan pay a nabigbig a suspek idi kalman.
Immuna iti daytoy, nag-viral iti social media post iti apo ti biktima iti facebook, a nakakitaan dagiti rinibo a netizens ti nakakaasi a langa iti lola ken adda pay mantsa ti maipagarop a dara iti sango ti bado daytoy.
Iti eksklusibo a pannakiuman iti Bombo Radyo La Union iti anak na a ni Gloria Runas nga iti agdama ket agnanaed idiay Batangas, kinuna a naawat na ti impormasyon babaen iti panangipakaammo ti ina-una a kabsat na manipud ili a Caba maipapan iti napasamak iti inada.
Segun kenni Gloria, maymaysa ti inada iti pagtaengan idi maipagarup a sinerrek ken binagsol isuna iti saan pay a nabigbig a suspek.
Innayon na a kadwa ti inada nga agigiyan iti pagtaengan ti kabsat da nga inaudi ngem idi napasamak iti insidente ket awan ti kabsat da sadiay.
Kumbinsido ni Gloria a panagtakaw iti makaigapu wenno ti makitkita da a rason iti panagserrek ken panangbagsol iti suspek agsipudta posible kinunana nga ti ammo da ket nakaawat daytoy iti cash aid iti SAP iti gobyerno ngem kinapudnona ket saan.
Maysa pay kinunana a mentally challenged iti inada isut gapuna nga awan ti makitkita da a sabali a rason nga aramiden da iti kasta iti inada. Awan met kinunana ti threat a maawawat iti inada.
Iti agdama, mannarimaanen ti iganganwat nga imbestigasyon iti Bauang Police Station maipanggep iti nasao nga insidente.
Naipasidongen iti biktima iti medikasyon ken addan iti natalged wenno stable a kondisyon.
