LA UNION – Nanayunan pay ti bilang dagiti OFWs a nakaawiden kadagiti bukod da a probinsiya ditoy ilocos region.
Babaen iti Hatid Sundo Program ti OWWA Region 1, naka-awiden dagiti 738 nga OFWs ditoy Ilocos Region ken idiay probinsiya ti Abra.
Manipud iti nasao a bilang, 427 nga overseas workers ti nakaawiden idiay Pangasinan; 127 ditoy La Union; 80 idiay Ilocos Sur; 82 idiay Ilocos Norte; ken 22 OFWs idiay Abra.
Iti pannakiuman iti Bombo Radyo La Union kenni OWWA Region 1 Labor Communications Officer Geraldine Lucero, kinunana a kompleto iti dokumento dagiti OFWs sakbay da a nakaawid ditoy ilocos region.
Naipasidong nga immuna dagitoy iti quarantine facilities ken covid 19 testing sakbay da a napaawid kadagiti probinsiya.
Ti Hatid Sundo Program ket programa ti gobyerno, babaen iti OWWA, LGU, PNP, ken dadduma pay nga ahensiya babaen iti panangipaay ti libre a transportasyon kadagiti repatriated OFWs.
