Nakailista iti Philippine Navy kadagiti 74 a barko ti People’s Liberation Army Navy (PLA-N) ken China Coast Guard (CCG) para iti pakabuklan a bulan ti Hunyo.
Nababbaba daitoy nu iyarig idi Mayo a nakailista laeng ti 82 Chinese vessels.
Manipud iti bilang ket 41 dagiti nasaripatpatan sadiay Bajo de Masinloc, 16 idiay Ayungin Shoal, walo idiay Escoda Shoal, ken siyam idiay Pag-asa Island.
Para ti pakabuklan, 20,494 a sea vessels iti nasaripatpatan iti Philippine maritime zones; Nasurok 17K ket foreign-flagged vessels bayat a nasurok 3K met dagiti domestic vessels.
14,548 dagiti simmungbat ti radio challenge kas maiyannurot iti international protocols bayat a 5,946 ti saan a simmungbat.
Kabayatanna, impasigurado iti Armed Forces of the Philippines (AFP) nga agtultuloy iti panagbantay da ken operasyon tapno mapagtalinaed iti seguridad iti kabaybayan ti Pilipinas.
